取消了的打邊爐
原定boxing day在我家的打邊爐聚會，因友人A家中有事及朋友P甩底，只剩下女友和我、朋友T及其女友。鑒於四條友打邊爐悶o左d為由，唯有delay…
朋友A一早已通知唔得，但朋友P係我25號晚打俾佢confirm集合時間地點時先話o黎唔到。佢並冇講係咩事。
我知道佢唔o黎得o既第一個反應係: 「點解唔早d通知我你唔o黎得？要我搵你先講？」和女友在過去的兩三個週末都為了這個聚會而清潔地方，準備食物飲品(雖然大部份都係構思…)，心中的不快不只是因為聚會告吹而白忙一場，同時是朋友P的「冇交帶」。
當然這也許是我們朋友間一直存在的溝通問題，平時約食飯睇戲都經常有人臨時爽約(包括我….)，今次其實只是另一次普通失約，實在冇必要嬲。
事後從朋友A口中知道朋友P家中有事才失約，我亦未敢打擾，希望佢順順利利，早日搞掂啦。
(0)