大佬一身的厚毛居然都會冷傷風?! 忽然想起，大佬來我家前的一個冬天也曾經得過感冒，聽o下佢細佬三弟點講:

http://hk.myblog.yahoo.com/lammaanimals-org/article?mid=3871&prev=-1&next=3854
…我叫三弟，我是由一位義工從街上救我回來的，原本我應和的的大哥一起轉往領養中心的，但前一段時間，哥哥患了感冒，所以暫時只有我來了領養中心，說起來，我真的很掛念哥哥呢…

see? 早有前科，大佬原來係一隻怕冷的病貓，唉~ 虧你牛龜咁大隻!

話說月頭同女友去o左台灣旅行幾日，但日日有專人上我家餵糧，唔知係咪重手得濟，搞到大佬肥頭耷耳，不過當時仲係好活躍好動的。但一個禮拜前郤忽然唔多郁動，仲晚晚走上我張床”攣”住我訓，初時還以為係天氣凍，想搵個人肉暖爐o者。再過幾日發覺他打乞嚏和有鼻水，知道唔妥了。

星期六帶o左佢去睇醫生，探過熱:冇燒，check過耳仔: 冇耳蚤，睇過眼底: 粉紅冇事，按過肚仔:只係肥。

結論係冇乜大礙，食兩個禮拜病啦~ 抗生素 + 收鼻水。但今次大佬冇咁順灘了，之前的欺騙式餵藥已不行，唯有動粗用強! 到寵物店買了餵藥棒，和女友三兩o下手勢搞掂。但也只能夜晚餵到一次，早上的一次也只能用騙的，把有藥的零食放到大佬的貓兜上，希望o靚妹唔會蠢到去食啦，阿門。

而家朝朝出門口都會整定個暖水袋放響佢身邊，其實未有耐真係凍，大佬已經搞成咁，唉…今晚收工去買件衫過大佬同o靚妹啦~

九月廿六號晚上，我地發現大佬頻密地出入貓廁所，三幾分鐘就入出一次，但又發覺佢唔係好去到。雖然佢個肚都冇咩點脹，但都已經嚇死我同我女友。因為當時已十時多，冇醫生睇，只好打電話給愛協的24小時熱線，說夜診要$1,100。心想很貴，不知是否冇其他辦法? 再打了兩通電話給LAWC的義工及o靚妹之前的寄養者: Tracy，他們的意見不約而同說情況未必很嚴重，可以多給大佬飲水，可能沖開o左就冇事，如果都係唔得就聽朝帶佢睇vet…好啦，等多晚啦…擔心o左一整晚。天光了，大佬都仲有係去得好密，打o左電話返公司請假，便捉大佬入袋帶佢去睇醫生。醫生幫佢探熱，按按肚子，說大佬情況不太嚴重，打o左兩支針，一支係消炎，一支係對佢膀缸好喎…另外兩大包藥: 藥丸及膠囊，14日藥…大戰難免了…另外仲有一包麼術貓沙同dropper，10後用佢o黎收集大佬d pee去驗有冇晶石。ok，埋單$680~ 我咁大個仔都未試過睇咁貴醫生，大佬你好o野!

聽Tracy意見，買o左一支針筒，用佢o黎d餵大佬飲多d水，因為可能係佢平時飲得太少水而出事，好彩o靚妹飲好多水o下，否則日日要捉佢飲水真係會癲。而以後都會多餵濕糧，受大佬帶契，o靚妹將會多o左濕糧食~

第一日因為打o左針，所以第二日先開始餵藥，大佬邊有咁好死肯自己食藥丫，接下來的工程浩大了~ 首先買了一包貓潔齒小吃，因為這些小脆粒外脆內軟，我們把它中間破開，挑了中間的軟心，再把預先切成小粒的消炎藥丸塞進去，再用之前挑出來的軟心封好，如是者一次分量要整十粒八粒。而且因為這藥丸要一天餵兩次，每天晚上便要準備兩份，一份即時吃，一份早上再餵…辛苦哂…幸好大佬食唔出藥味，三爬兩撥食o左~ yeah~~

本以為另外的膠囊好一點，因為一天才餵一次，打算把它混入濕糧俾大佬食，頭一兩日成功的, 但大佬越o黎越醒目，食哂d濕糧唔食藥…唉…每晚都同佢糾纏好一陣子…

都好彩，食o左兩日藥後大佬完全回復正常了。不過因為療程係兩星期…大佬同我地都辛苦了…
之後在貓店買了新貓砂，可以知道貓pee 的酸鹼性，用了整整一個月，大佬都正常，放心哂~ 都冇再拎大佬d pee去驗了。希望大佬今次只係偶發性，唔好有手尾呀~ 唔係又要打針呀!